الأربعاء، 11 سبتمبر، 2013

حب

حبيتك يوم ما عرفت إنك بتسمع زياد وبتعرف أغاني مرسيل وبتحب محمود درويش

وحبيتك أكتر يوم ما خبرتني انو فيروز لكل الأوقات ومش بس للصبح

وأكتر شي حبيت فيك إنك ما بتعرف ترقص بس بتعرف تحس الموسيقى أكتر من أي حدا تاني
 
وبتعجبني كيف ممكن تتركني عمبحكي واشرح لساعات طويلة غنية بسيطة متل: أديش كان في ناس، أو مش بسيطة متل وحدن، وما بتقاطعني أو بتهز راسك عن عبث 

وبحب كيف ممكن ما تنتبه اذا غيّرت لون شعري بس بنتبه اذا دمعت عيني ولو شوي 

ولما عرفت انو رأيك بالحياة انها مش هم كبير والناس بتعتل هم عالفاضي، كبرت بعيني أكتر وأكتر 

وحسيت اني قربت منك أكتر لما فهّمتني انو ممكن يمر أيام وتنسى تخبرني انك بتحبني بس مش معناتو انك نسيتني أو انك ما بتحبني 

وكبرت بقلبي لما شفتك من بعيد عمبتبتسم لطفل صغير وبتلاعبه 

بيعجبني انك ما بتستحي تقول انك ما بتعرف، كتير بتصير رجّال بنظري 

وأكتر كمان لمّا قلتلي "شو غريب انو أخ يقتل اختو على شي هو كمان بيعملو" 

بس أكتر أكتر شي حبيتك  لما خبرتني انو حلم حياتك يكون عندك ابنة وتربي فيها الحرية والايمان في النفس

بحبك




هناك تعليقان (2):

  1. عزيزتي إيمان يا "توام روحي":اعترف إنه نزلت دمعتي عندما قرات كلماتك الرقيقة....طبعا لا أعرف لمن موجهة وليس مهماً في هذه اللحظة..اود أن أقول لك إنه للوهلة الاولى ظننتها لي...بهذا الشكل احب أن أرى نفسي إو على وجه أدق أن تراني زوجتي أو ابنتي أو كل نساء الأرض هكذا لا أكثر ولا أقل....عزيزتي إيمان اسمحي لأن أضيف على كلامك العذب: وعندما تمر باصابعك بين خصلات شعري كانك تقول لي انت مثل أرضي منك وأليك أعود. إضافة اخرى إن سمحتي: وعندما أرى إنه رغم السنين لم تقم بخنق الطفل المشاغب في داخلك كما فعل كل الأخرين....

    ردحذف
  2. كلام معبر لكنه مثالي الى حد ما.

    ردحذف